余文乐卖甩女友王棠云 飞泰国会长腿女!梁烈唯狂甫囡囡出浴照
今日快报
余文乐卖甩女友王棠云 飞泰国会长腿女
型男余文乐早前公开宣布认与台湾皮带大王女儿兼女星王棠云拍拖三个月,虽然拍拖短短时间,不过近日余文乐就撇低女朋友,被网友发现喺泰国曼谷,网友仲话佢一行几人去曼谷日本街某间酒楼开餐,听店员讲佢平时每个月都会去一至两次,似乎系酒楼嘅熟客仔。之后更有内地消息传出,指余文乐有个靓女喺隔篱,不过个靓女并唔系女朋友王棠云。
另外,余文乐寻日喺IG上载同爸爸妈妈嘅合照,仲留言:“Family time(家庭时间)。”似乎想话畀大家知佢今次嚟曼谷其实仲有同屋企人嚟嘅,咁王棠云可以放心晒啦!
余香凝晒钻戒唔认嫁:唔戴摆喺度好嘥
影坛新贵余香凝(Jennifer)与英皇艺人陈家乐拍拖多年,早前两人发生交通意外,Jennifer受伤入院,获家乐发表爱的宣言愿意照顾她一世,日前Jennifer出席活动时,被发现右手中指戴上钻戒,难道与家乐秘密订婚?Jennifer承认钻戒是男友所送,但否认订婚:“绝对唔系,可能系一个肯定。(几时送㗎?)几时就唔讲,不过系近日嘅事,初头觉得好珍贵唔舍得戴,佢话唔戴摆喺度好嘥。”
Jennifer坦承车祸后学懂更加珍惜身边人,与男友感情更进一步:“我知呢样嘢对佢嚟讲唔系饰物咁简单,系好重要,但未去到订婚,我哋都好认真对待呢段关系,我依家先23岁,仲想做多啲嘢同储吓钱先。”至于陈家乐承认钻戒是他所送,是纪念日的礼物,笑言订婚、结婚的戒指钻石不会如此细粒。
有女万事足!梁烈唯狂甫囡囡出浴照
新手爸爸梁烈唯(唯唯)同老婆Tina今年1月诞下囡囡Karina,荣升爸爸嘅唯唯虽然仲要开工,但一得闲就会陪住囡囡,帮轻喺屋企休养嘅老婆。正所谓有女万事足,同囡囡朝夕相对嘅佢难掩喜悦,最近喺社交网post亲都系囡囡嘅“写真”。
呢日唯唯又贴出多张Karina得意出浴照,并留言:“Baby Spa好舒服啊!又可以做运动,又有按摩,好开心喔!thank you.”相中Karina眼仔睩睩,而且仲好乖冇喊,又识得望住镜影相,对镜头敏锐度极高,果然似足爸爸呀!
吴业坤?Aka自爆分手到依家都未放低
组合Super Girls接受媒体访问,讲到新歌《从今以后》讲述分手后在人面前扮坚强,问到她们可都是这样?Aka表示:「一分手梗系会喊,但惊人哋觉得烦,所以返屋企先喊。(最长康复期系几耐?)最长时间系依家都未。我试过有次分咗手,隔咗两年我check电话时觉得佢应该会send message畀我,先惊觉其实已经分咗手。」Heidi亦谓读书时跟男友拍拖一个月后对方突然消失,连分手两字都没讲,自己花了两、三年时间都放不低。Jessica则谓分手后就算已有新伴,但心仍会痛;Yanny则谓自己比较随缘、洒脱。而Cheronna则谓不喜欢自己喊,自己喜欢逃避。
撇甩男友!林頴彤孖西装男行街骑骑笑
电视台姐仔林頴彤(Bella)去年情人节公开和容天佑的恋情,可惜短短半年即宣布回复单身,幸好两人分开一段时间后「仍是觉得你最好」,最终都能够翻挞成功,为保得来不易的感情及上位中的事业,今次一于恋事密冚,低调地发展地下情,直至不久前于寓所下揽揽才令恋情曝光。
不能和男友公开拍拖晒恩爱,日前下午5时多Bella出席完活动后,相约西装骨骨的男经理人去街,两人乘车往荃湾一商场,其间边行边密密斟表现得相当投契,然后结伴往物流中心提取货品,即取即拆站在街头研究刚拿到手的东西,现场所见Bella不时展露甜甜笑容,直至她接到电话,便在经理人陪同下,登上的士直回葵涌的公屋寓所。
Bella告别经理人行色匆匆地登楼,以为她回家休息,个多小时后见她换了一身黑衣打扮,由头包到脚,手上更拿着一个装到满满的大袋,鬼崇地登上租车直往尖沙咀,Bella于商场闲逛讲电话,未几和电话中人讨论买外卖,似是跟着对方的指示找到素食店,老远来到买了两盒外卖即混入人群中离开,认真神神秘秘。
刘佩玥冇陪食消夜 伍允龙扁嘴晒麒麟臂
艺人伍允龙日前凌晨一时许,与一名男友人现身九龙城食消夜,身边未见绯闻女友刘佩玥同行,难怪沿路扁晒嘴。伍允龙和友人边行边挑选餐厅,最终拣中一间泰国餐厅,虽然夜晚气温清凉,伍允龙入到店内仍是急不及待地除掉外套,大晒一双健硕麒麟臂,一展Fit爆身材,引来不少食客眼望望。
☞转载授权微信:lama129
☞ 商务QQ:1900556960
☞投稿邮箱:[email protected]